kingdomwailife

Toystory3

2010-07-19T22:21:00.004+08:00

剛剛睇完Toystory3,真係好正!唔睇真係唔得!!!!

退休

2010-04-28T00:18:00.003+08:00

今日係老豆過佢退休生活嘅第一日,佢原本諗住今年年尾先退休,但作為佢嘅仔女,當然好想佢早D退休啦!都做咗咁多年,由我哋細嗰到家吓我都三十幾歲...都係時候交俾我哋三兄弟妹.好好同老媽子享受吓退休生活.

SH0W R00M

2010-04-18T18:03:00.004+08:00

家吓真係好少有D咁嘅Show,但遲吓應該又會多少少,雖然都知嗰Show唔會有乜嘢驚喜......因為我玩開果D12吋太精細啦,相對1比1只係得過大字,細緻度同12吋真係差好遠.但我都好羡慕古天樂有個咁正嘅地方收藏玩具,加上早期又買咗佢本『玩具大戰』......所以都去行吓,早排聽阿亮講,佢夢想係踏單車環遊整個台湾....而我嘅夢想係有一個靚正嘅ShowRoom.....

廸欣湖的下午茶

2010-03-07T23:19:00.002+08:00

一早已經想去廸欣湖,但遲遲未去....終於啲起心肝,同Amy買小小食物,去享受一個寧靜嘅下午茶...我相信未來嘅日子,我會多帶朋友同家人去喱個東涌後花園.

網絡奇緣

2010-02-28T22:09:00.003+08:00

收藏玩具咁多年,除咗阿智外,都冇乜朋友會同我有相同嘅興趣.講真有時都會幾自閉,估唔到一次網上嘅拍賣俾我識到幾位志同道合,開始大家嘅『網絡奇緣』.可能大家年紀差不多,約出喱食飯話題除咗玩具外,都會講吓自己嘅生活、工作......上網識女仔就聽得多,估唔到自己都會上網識『同志』!!

2月25日

2010-02-26T01:21:00.002+08:00

一轉眼已經36歲,時間過得真係快...近年生日都鐘意一家人出去食飯慶祝,今次我選擇去YMCA餐廳,攪我嘅生日會,自己一向對於食都冇乜要求,反而地方舒服同氣氛先最重要,講真除咗健康外,冇乜嘢重要得過家庭同朋友,能夠係生日同家人、朋友一齊渡過喱2月份,真係要好好感欣!

聖誕節

2009-12-27T11:14:00.003+08:00

今年聖誕節自己過得幾開心,又充實!放工後已經係23号嘅早上,先去睇場4D版嘅阿凡達(我覺得係科幻版嘅風中奇緣),跟住去盈盈度開大食會,知到小朋友出世後,我喱嗰阿妺會有D唔慣,所以要俾多D時間出喱,食物雖然唔係太豐富,但氣氛就一流.叫得一家人又點會少阿智嗰份,所以24号就去同佢飲吓下午茶,同姸姸玩吓.睇到姸姸係信箱收到我哋送俾佢嗰張聖誕咭(張聖誕咭有齊我哋一家人簽名有灯着又有音樂),睇見佢又驚喜又高興嘅表情!已經係我今年最好嘅聖誕禮物!!

台灣之旅

2009-11-28T12:22:00.003+08:00

今次台灣之旅我選擇跟團,因為第一次去台灣,人生路不熟,跟團最為安全!但又出奇地好玩!因當地導遊出色嘅帶領下,對台灣都有初步嘅認識,又一証明凡事皆有兩面睇法.講返今次旅程,發覺台灣天氣幾好,天郞氣清,當地街道有D似大陸同日本混合体,買嘢我覺得香港好D,但食嘢就台灣好D.係香港我絕對唔會『掃街』,但去到台灣點都要試吓!今次嘅旅程除咗我覺得幾好外,Amy都好滿意.總算物超所值!又發現除咗日本外,台灣都係一個唔錯嘅選擇!

新成員的誕新!!

2009-11-10T12:21:00.002+08:00

好記得30年前媽媽帶住初生嘅妹妹回家嘅情況,當時真係好開心,睇見妹妹又冇乜頭髮,眼大大,好得意...30年後到妹妹帶住自己嘅女兒回家,我作為一個家庭成員同見證人,有新成員誕新,真係太高興啦!睇見BB女令我有一種好特別嘅心情,當然BB女都好得意,雙眼皮,好多頭髮似爸爸多D...希望BB女健康快樂~~

6週年

2009-10-19T23:14:00.003+08:00

喱排比較懒,加上喱個月又多事發生,又工傷(撞車),大舅父又有病!心情真係唔大好!不過結婚6週年点都要出街慶祝吓,買份結婚紀念禮物,紀念吓...話咁快就6年,希望年年身体健康,年年買份結婚週年紀念禮物,咁就Very good啦!

改裝

2009-09-17T15:45:00.003+08:00

一直都好有興趣攪攪間屋,近日終於完成,雖然唔係乜嘢專業水準,但果種滿足感真係好強!俾起我砌好一隻figure更強......得知細佬九月尾要去英国公幹,大家都替佢高興,点知只係得佢一個人去,大家点都有D擔心(當然包括佢自己)原本諗住我同佢一齊去,話晒都有D照應.但九月尾机位真係太爆,我就買唔到机位有都係後備,連佢自己都唔知出唔出到發,不過諗深一層佢咁大個人應該冇問題嘅!!

天真?

2009-08-19T12:26:00.003+08:00

近期都睇咗幾套大片,先有『殺人犯』、『沖天救兵』、後有『G i joe』.但我最鐘意都可算係『沖天救兵』,我覺得套片應該係俾大人睇,所以悶到D細路週圍走.自己覺得好睇,當然介紹俾屋企人睇,老豆、老媽子係首選,兩條友成日嘈交.希望睇完後大家學會珍惜对方,放低執着...可能我太天真,如果一套戲可以改变大家,家吓边有咁多人離婚,但希望總會有少少反思....

MAN OF STEEL ?

2009-08-03T20:14:00.003+08:00

自從人大個咗,对工作自然多咗責任感!做我哋喱行,日晒雨淋,打风行雷,都要做!喱十年真係極少請病假,估唔到一個意外,要攞成十日工傷......原來人嘅身体真係好兒戲,並唔係乜嘢MAN OF STEEL!!

邱福龍

2009-07-19T12:42:00.003+08:00

自細我都好鐘意睇漫畫同畫公仔!一向視邱福龍為畫壇頭號偶象,因為佢嘅畫功同設定,真係No.1!昨日同Amy係油麻地行街睇玩具時,竟然俾我見到龍少同我一樣係度睇玩具!即時想走過去拍照留念!但諗一諗,自己又怕喱樣又怕果樣,情況有D似追女仔咁,又想去又想唔去....我相信Amy都好少見到我咁,所以都叫我過去影張相,但幾十歲人重做D咁嘅嘢!都係唔好啦!但其實我一直都好想擁有龍少嘅一張手稿作為收藏...唔...下次先啦!!

MJ

2009-07-07T01:35:00.005+08:00

記得細嗰去八父屋企,當時佢正在播僅米高積遜嘅『Bad』,喱次係我第一次接觸MJ嘅歌,雖然我唔算係MJ嘅fans,但總算係欣賞佢嘅歌曲同MTV.但我最估唔到一向唔多聽英文歌嘅Amy,喱排突然間鐘意咗MJ,勁聽佢D歌,同睇佢D MTV....人離開咗,就算你再聰明再有錢都冇用,一個地球只有一個MJ,我哋每一個人,都係珍藏版!所以真係要好好珍惜大家!

『超合金』手錶

2009-06-25T23:09:00.003+08:00

早幾日收到Amy送俾我嘅禮物,講真開头真係有少少唔開心!因為又要洗錢...可能近期洗錢洗到好似倒水咁,有D怕!但再細心D諗吓,Amy僅係有留意我隻舊錶,又舊又殘...都帶咗5、6年啦!要換都係時候.難得佢咁細心,我應該高興先真,只係有D擔心嗰款係唔係我心水,但一睇真係鐘意到爆呀!咁大個仔家吓先明白,点解大部份嘅男人,咁鐘意玩錶,果種『金屬感』,同『重量感』,俾起我玩『超合金』更實在...做咗三十幾歲人家吓先明白...真係要多謝Amy!

撞彩?

2009-06-03T19:26:00.004+08:00

今年五月对於我喱講,都真係幾辛苦...先有盈盈結婚,後要學車考牌!盈盈結婚我原本應該好高興,但因要考車牌,心情点都係差少少!返完夜又要去學車,放假又要去學車,重要俾師父狂插!都真係有想過放氣!!其實都知2仔牌想轉19牌,通常都會肥幾次,我公司D同事個個都係咁,只有極少數人一次過攪掂!自問手車真係幾差吓,考咗2仔牌成十年,都係喺街度行過一次咁多....加上路面經驗又少,講真信心点都係差少少.但原來學車都幾貴吓,又唔想用太多錢(家吓我都用咗$6500蚊),又想増值吓自己,加上有阿亮嘅鼓勵,所以都想一次攪掂佢...其實考車果時,都有D驁險嘢!都以為會肥佬....点知俾我一次Pass,我估都係撞彩多?

『我家妹妹長大了』

2009-06-02T04:35:00.004+08:00

一直都以為盈盈重好細嗰,直到佢結婚啦!先發覺『我家妹妹長大了』,都好慶幸自己对妹夫嘅感覺非常良好!家吓重多咗嗰細佬,希望佢哋一步一步咁建立自已嘅家庭!但有些少擔心老媽子同老豆會唔捨得.....講返當晚婚禮,大家都好高興!除咗一对新人外,當然焦点所在就一定係D姊妹團,我只能夠俾一個字佢哋!就係一個『掂』字!我相信大家都好想睇吓D相!!求吓我啦!我會考慮吓!!(提外話:有一次我請假去做兄弟!一開門見到D姊妹,我第一時間想返工...不過我諗D姊妹見到我哋!都係咁諗!!)

站立在日本的高達

2009-05-22T23:40:00.004+08:00

早排知到日本為慶祝高達30週年,會係東京『潮風公園』展視18米高1:1嘅高達,今日係網上睇一見....真係好想再去日本呀......上年同盈盈去咗大阪,講真我同阿智都咁鐘意睇玩具,真係想兩兄弟走轉日本.不過真係有D難度....其實我最想就係成家一齊去旅行,边度都冇所為!

長隆野生動物園

2009-05-13T14:19:00.008+08:00

>『長隆野生動物園』其實一早聽阿亮介紹過,所以一直都想去睇睇.總算無令我哋失望,動物種類真係好多,地方真係好大.只係自己唔夠精神,有D攰冇行晒整個主題公園!有件事我自己覺得幾攪笑,熊貓係香港,大家可能覺得係珍寶!但係大陸就未必啦!我見隻熊貓喺度小休,工作人員見咁多觀眾,大聲叫佢又唔醒,跟手飛條紅蘿白扑醒國寶,場面真係好攪笑!!夜晚又去睇馬戲,住嘅酒店又大又靚,係D食物差少少,但兩仟蚊又玩又住又食重想点呀?

母親節

2009-05-11T01:35:00.003+08:00

一直都覺得母親節、父親節、情人節...喱D咁嘅節日都比較無聊,如果你对佢哋好,就日日都係母親節、父親節,冇需要係果D節日度做Show,當然喱D係我自己嘅睇法,但我睇佢哋唔係咁諗.....『長隆野生動物園』一直都想去,明早同Amy出發,希望玩得開心D啦!!

豬流感

2009-05-02T13:36:00.004+08:00

豬流感...又嚟D咁嘅嘢!百年難得一遇嘅金融海嘯都末過,又嚟豬流感...有時真係覺得政府班友,都幾廢吓!成日話嚴陣以待,你估家吓等天皇巨星呀!一但傳入又冇能力做到隔離!淨係識洗太平地...唉!學吓人哋大星帝国啦!各位都係時候要做好D防護工作啦!

手机

2009-04-29T18:49:00.003+08:00

想問吓大家,04年至09年大家換咗幾多部手机?可能你哋多到都唔記得...我都有幾年冇換手机!所以大家都叫我快D換啦!其實我自己对电子產品冇乜要求,只要打得出收到就ok!但生活係喱個國際大都裏,原來手机嘅新舊款都佔有一個好重要嘅地位,我試過返工時,想話打個电話,攞部手机出喱,即時俾D清潔女工話:『你部电話咁舊!你做收買古董架!』當時我心裏面咁諗...嘩!阿姐我都唔識你!關你蛋治呀!但當同事,朋友,家人都經常異口同叫你換电話嘅時候!ok ok我屈服啦....

地球毀滅密碼

2009-04-20T08:54:00.003+08:00

早幾日睇完,本來都想寫吓影評!点知病咗,家吓先好返少少...講返套片,全片感覺幾灰吓!開头都幾懸疑,有D鬼片feel,特技唔多,但造得異常逼真!尾後果場地球毀滅,睇到人都灰晒!又帶出咗人類嘅存在是偶然或是註定?『我自己覺得係套片嘅主旨!』有好強烈嘅宗教意味,但就用另一個角度嚟解釋宗教,災難來臨,發覺親情才是最重要!人類係大自然眼中,只係等於一群蟻!

身体健康

2009-04-16T22:15:00.003+08:00

唔經唔覺又到老豆生日,當然一家人開開心心食餐飯.睇睇嗰blog所記錄,其實我哋一家都經常出喱食飯,喱D咁好嘅習慣,真係要Keep住呀!祝老豆身体健康!

四位俊男

2009-04-13T01:47:00.003+08:00

其實都冇乜嘢寫,不過喱四位俊男,成日都話我唔係個blog度冇題吓佢哋,所以今次俾大家見吓我喱四位俊男朋友...大家應該好羡慕我,可以同佢哋食晚飯....

『家庭日』

2009-04-04T22:07:00.005+08:00

硏硏3歲啦!一家人去咗海洋公園玩,盈盈因工作關係冇去到,有少少美中不足.天氣都0K,係大风咗少少,老媽子做咗好多食物,阿智就帶咗D嘢食,一齊食.好耐冇試過一家大細咁去玩,好似小學生去旅行咁!其實最想帶硏硏睇吓D動物,見到佢睇得咁開心,大家都好高興,夜晚就成家一齊食晚飯,過咗整整一日嘅『家庭日』.

吐路港

2009-03-29T20:59:00.003+08:00

大大話話都有十幾年冇踩去吐路港,今次約咗承業夫婦同關天衡末婚夫婦再去,感覺真係完全唔同晒!风境優美,係天氣差少少,途經科技園,重以為自己去咗未來世界,想起細嗰同八父、十叔、老豆,阿智、漢文、漢賢經常踩去吐路港,腳毛留低唔少,真係要再約吓佢哋先得,難怪阿亮咁鍾意去踩車!其實政府成日講環保,又話要籃天,又話要白雲...不如做多D單車徑,少D用車,少D廢氣,重好啦!

日記

2009-03-21T20:16:00.003+08:00

睇返十幾年前嘅日記,正正記錄我從學校出喱工作嘅時候...講真喱段時間對於我喱講,真係唔係幾開心...當然宜家睇返都幾攪笑!可能過幾年後再睇返喱嗰bL0G,都係覺得咁攪笑!

一百萬零一夜

2009-03-06T19:47:00.003+08:00

記得早幾嗰月前,喺雜誌睇過簡介,已經好想睇!導演点可以透過遊戲『百萬富翁』作引,令一個冇讀過書嘅貧民區孤兒,能答到連博士專家都冇把握答中嘅問題?從而張真印度活現喺我哋眼前,2小時絕無冷場,相我一定好睇!!(剛好今篇網誌係第100篇It's Destiny)

信任

2009-03-04T20:35:00.003+08:00

昨晚應同事嘅要求,到深圳食飯同飲酒!去我就唔係幾想去,又要攞日假,又要去到咁遠,又嘈...不過同事再三邀請,推都推唔到咁多次.其實做咗咁多年嘢,点會唔知到喱D係同工友熟落嘅好機會吖!但又要落酒Bar.又有D女拳手...Amy点會鐘意我去,放且之前以經去咗一次...真係唔知点開口,又唔想講大話呃佢...但都要同佢講,希望佢會明白我...最後佢对我投咗信任嘅一票,咁我又点會要佢失望呀!

35

2009-02-26T17:50:00.004+08:00

昨天剛剛係我35歲生日,年年生日嘅節目,一係返工一係同Amy過,所以今年我決定同屋企人過.其實都係好平常咁食餐飯,見吓好可愛嘅研研,感受吓家庭樂...對我喱講已經係最好嘅生日禮物啦.過幾日就同D老友食飯慶祝,真係多謝晒佢哋!記得上年係朋友生日嗰日激嬲咗佢!講真我真係有D驚...驚佢年年生日都會嬲咗我...不過作為好朋友緊係要有D咁嘅經歷,先會有更深更厚嘅感情...我估佢應該都唔會嬲我嘅!

身体檢查

2009-02-18T01:50:00.005+08:00

早幾日帶老媽子去驗身,佢就話好怕做喱D身体檢查...其實我重怕過妳!!但怕都要Check吓!冇事就最好,如果有唔舒服,早D睇醫生會好D...老人家多數都係咁,有病就唔理唔睇,小病变大病就無為啦!宜家Check完冇事又可以去玩啦!(不過耍注意飲食)

環境優雅

2009-02-07T15:42:00.002+08:00

東涌一到假期同星期六、日就會有好多人,因為個個入喱行山,如果天氣好真係一個幾好嘅節目.但對於我喱講就有D怕怕!因為去食早餐,多人多到好似輪街證咁!破壞晒我喜愛嘅寧靜生活...但近日發現有間好正餐廳,就係覽車站旁边嘅小公園內,環境優雅,有露天茶坐,又有水池,非常優靜.早上買本雜誌,喺寧靜嘅環境下飲杯奶茶...真係樂事,我知老豆一定鐘意!!

kingdomwaitoys誕生

2009-02-04T23:43:00.003+08:00

一直都好想寫吓玩具誌,所以成日係個blog度寫吓D figure点勁点靚!但對於玩具冇乜興趣嘅朋友喱講,會有少少無聊,加上自己都想整理一吓自己儲咗多年嘅玩具...其實儲玩具真係我最大嘅嗜好!所以想將自己喜愛嘅玩具記錄下來,等朋友、親友都可以留意吓!不過最想都係娛樂自己!(如果大家有興趣睇吓,可以到我的副刊嘅kingdomwaitoys望望!Thx)

第一件事

2009-02-02T13:17:00.004+08:00

想再講講今次去澳門,有兩件事我覺得都幾有趣嘅.第一件事就係睇『金龍』同『金樹』嘅机關,因為真係好靚,所以印象都好深刻!先從地底慢慢升條三層樓高嘅金龍出嚟,跟往等15分鐘又再升櫟大樹出嚟,天花頂又打開,放下巨大水晶燈,再加上音樂同燈光嘅效果,真係要幾勁有幾勁!場面有D似机械人嘅基地咁,所以都睇到目定口呆!如果放隻六、七層樓高嘅机械人落去,應該會重勁!!

第二件事

2009-02-02T13:06:00.003+08:00

連姨丈都要數秒後先至俾到答案...勁似Wing Sum!有八成似,令我相信地球上有另一個自己!!

癡線

2009-01-29T22:44:00.003+08:00

其實已經唔止一次介紹H0TT0YS Figure点勁点靚!但當佢哋有新產品推出時,總係一次靚過一次!經常有新嘅突破,『The Godfather教父』电影知到係經典,但睇我就未睇過,一睇完隻figure時,我真係覺得H0TT0YS癡線!出到真人一樣......今次去澳門除咗去玩,重識到欣欣同美臣嘅朋友Thomas,佢对figure都好有興趣,我哋已經約定下次嚟我屋企參觀!

農曆新年

2009-01-28T23:30:00.003+08:00

講真農曆新年,喺咁多節日當中我最唔鐘意嘅節日,因為週圍都咁多人,店舖又唔開,真係有D煩!所以今次去澳門玩吓,其實澳門都係一樣!不過就有D新鮮感,我哋一行12人週圍去,都算幾好玩,雖然唔係第一次去,但次次去D賭場睇,都覺得真係靚得誇張!可惜有好多地盤都要停工,如果唔係重勁!

300元

2009-01-21T23:54:00.004+08:00

今晚同公司同事食團年飯,不過唔係公司請,係每位同事一人夾300元去食餐團年飯!喱嗰時世点會有公司請食團年飯呀!有雙糧出都偷笑啦!!唔經唔覺喺新公司都做咗十個月有多,好彩同事與同事之間都合得來,嘻嘻哈哈又一天,其實自己喺工作方面都無乜追求,唔好有太大压力就得!(压力大會影嚮健康)出年經濟唔好,希望對我哋唔會有太大嘅影嚮啦!

世界級嘅水準

2009-01-16T20:19:00.006+08:00

期待已久嘅『lR0NMAN』12吋Figure,終於都出咗啦!從製作到包裝都做到世界級嘅水準,難怪一出即炒!香港製作嘅玩具終於都超越日本啦!至於套片一早就已經睇過,但製作特輯就都今日先睇,從劇本到設定都有詳盡嘅解釋,有時想如果我係喺美国出世,我真係會走去做道具製作,因為真喺非常有趣.至於套片嘅男主角羅拔唐尼飾(T0NYSTARK),嗰性格真係有D似阿亮......聽講H0TT0YS遲吓會出巨型機械人,如果係嘅話我就暈低!

威E(WALL.E)

2009-01-04T21:24:00.003+08:00

有時真係服咗D鬼佬嘅創作力,可以集環保、机械人、愛情、黙劇...等題才於一身,威E(WALL.E)真係一套好正嘅电影,大家真係要睇睇!

團年飯

2009-01-03T23:37:00.004+08:00

冇乜嘢開心得過成班親友一齊食團年飯!其實真係要多謝兩位表哥,一個負責食物,一個負責場地.當然都要有大家嘅支持,先至事成!食物正、場地好、人融洽.最後重有交換禮物,真開心到飛起......希望喱份團結精神,可以延續到下一代.

2009-01-03T23:32:00.001+08:00

成萬銀嘅鮑魚,我都係第一次食!正呀!!

2009

2009-01-01T01:27:00.001+08:00

又到新一年啦!2009年係充滿希望的一年!祝大家新年進步,身体健康!(今年我係放工途中過咗新嘅一年)

『鐵人28号』

2008-12-31T01:58:00.003+08:00

剛剛收工返屋企,見到自己好想買嘅『鐵人28号』超合金,放喺房度......除咗開心外,重有D驚喜!!估唔到Amy會静静雞送畀我,喺我記憶當中,今次係第3次!所以非常難得.頭嗰次喺老豆買咗隻超合金,放係我衣櫃度,我一打開衣櫃見到時,真係開心到...喊呀!之後2次都喺Amy静静雞買隻超合金送畀我.因為佢都唔知乜嘢叫超合金,所以更加難得!!

回歸

2008-12-29T23:04:00.002+08:00

因电腦壞咗!都停咗寫blog半年有多,喺08年尾回歸!希望大家繼續支持!Thx

巨八

2008-08-16T01:10:00.003+08:00

係早一年多前,有一次同PAUL上山頂(因PAUL要到大陸工作,所以帶佢睇睇香港风景),發覺凌霄閣有間叫『巨八』嘅日本餐廳都幾正!我指係環境幾正,眺望維港全景...心想帶Amy食餐都幾好,等佢都知到我有浪漫嘅一面.点知講吓講吓就無咗件事!所以決定今日佢生日帶佢上去試試!你哋睇吓佢幾開心!(不過D嘢食就一般!)

在海中的旅程

2008-08-12T18:30:00.004+08:00

旅行返嚟都有幾日啦!遲咗少少寫blog...我覺得真係好正!!!係因8号风球上唔到岸,同老媽子唔聽話,有少少唔高興外,其他方面都好好.船又靚,食物又好,又可以一大班人去玩.我同Amy都覺得如果去到越南,可以住多一兩日都ok!我覺得係隻遊輪度可以跟一大班親友生活,係今次旅程嘅買点!!可能係香港生活嘅压力大咗少少,所以真係要出外旅行吓!希望出年又可以成班一齊去玩啦!

太嘈

2008-07-11T20:06:00.002+08:00

陪伴咗我十一年嘅冷氣机(睡房嗰部),終於因為太嘈,所以換咗部新嘅!其實我都好怕攪D咁嘅嘢,不過間屋都咁耐,都係時候攪攪佢,跟住就係攪攪牆身,不過要自己攪!希望攪得好好睇睇啦!!!

『HANC0CK』

2008-07-04T12:02:00.004+08:00

其實當我知到喱套片嘅劇情時,我期待睇『HANC0CK』多過睇『BATMAN』呀!因為對於我喱D SuperHeroes fans嘅睇法,Superman太完美啦!完美得唔多真實!『HANC0CK』剛剛相反,睇咗咁多年Superman,除咗『THE lNCREDlBLES』外,終於有套反常理既超人片啦!但套戲到中段先交代Hancock來頭,有D意外,韋史密夫做得好好,有D位都幾好笑,不過坐喺我隔離條友仔,好似十年冇睇戲咁,喺咁笑,動作又大,睇早場都撞到D咁嘅人,真係有緣!

薪火相傳

2008-06-30T21:52:00.005+08:00

因為电腦有D問題,所以都有成嗰月冇寫blog啦!但今日部电腦又自動『康復』......电腦大哥我真係無你符!呢個月都冇乜特別嘢,工作方面都已經習慣,希望可以做好D啦!眼見身边D小朋友嗰個喺咁長大,時間過得真係太快啦!睇住佢哋我有一種好特別嘅感覺...明白到乜嘢叫做『薪火相傳』...

放假

2008-06-07T22:11:00.003+08:00

今早起身時,睇睇出面嘅风景(因為我一向覺得自己屋企嘅风景好正,所以時常都望吓!)發覺好似有D唔同!多咗幾條瀑布,有部份仲山泥傾瀉.再睇睇新聞,先知到黑色暴雨警告,到處水浸得好嚴重,仲攪到青嶼幹線全線封哂,機場航班亂晒!好彩今日放假,但爸爸要返工,即時打個电話叫佢小心揸車.本來想出去睇吓D牆紙嘅!但天氣又唔好,為有喺屋企啦!

優質服務的士司機

2008-05-27T21:33:00.003+08:00

昨日同媽媽、爸爸食飯,席間有盈盈、阿開、美臣、欣欣、Amy,閒談間知到爸爸又攞咗『優質服務的士司機獎』,其實嗰獎都好難攞,但佢都攞咗兩次,真係勁!下次又去食飯慶祝吓先,可惜佢太低調無去領獎,如果唔係呀R0ADSH0W都有得上!食吓講吓又過咗一個愉快嘅晚上,美臣同欣欣要多D出喱同我哋食飯呀!一家人嗎!

災區

2008-05-15T00:27:00.003+08:00

當每次返完通宵班時,回家途經優美寧靜嘅地方,心裡都有一種回家真好嘅感覺,然後就好好享受一吓假期!但今次假期就唔係太開心,因為四川發生世紀大地震,開头以為唔係太大件事,但當睇到新聞後先真正明白到『災區』嘅意思,係同一片天空下,今次大家都要幫幫手啦......

中東

2008-05-06T13:05:00.002+08:00

剛剛收到阿賢去中東工幹嘅相,D風境真係好靚,其實自己都幾無知...記得阿賢同我講要去中東工幹三個月,我都有少少替佢擔心,因為中東政局都比較亂,但睇過D相後我發覺佢哋似去玩多過似去工幹!世界咁大我都想週圍去睇睇,感受一吓世界...

lR0NMAN

2008-05-03T22:16:00.005+08:00

早幾日去咗睇lR0NMAN,講真lR0NMAN喺MARVEL漫畫內只係2線嘅英雄,但拍得真喺幾勁!套裝甲真係型到爆!尾段暗示將來會有MARVEL其他英雄出現,睇喱DC direct真喺要出Justice League頂一頂先得,知到H0TT0YS遲D會出lR0NMAN同BATMAN figure,真喺勁期待!剛剛收到阿亮炒車嘅消息(炒單車),好彩只喺皮外傷,希望佢早日康復啦!

一百萬人的故事

2008-04-26T23:33:00.004+08:00

昨日一家人出去食晚飯,因為爸爸生日.其實上嗰禮拜已經食咗一次,但唔齊人所以再食多次,祝爸爸身体健康.研研我都好掛住佢,今次見佢又長大咗真喺好高興!近日都有睇開無線嘅『一百萬人的故事』,雖然睇完好唔開心,但可以畀社會知到有佢哋嘅存在,希望政府能解決貧富懸殊嘅問題,係關心喱班赤貧市民嘅同時,自己都好怕會變成佢哋...

加班

2008-04-15T20:44:00.002+08:00

不經不覺就過咗一個月,可能返工時間長咗,總覺得時間唔夠用,遲D時間可能重唔夠用,因為要加班.希望能夠好好分配啦!不過都開始習慣新嘅工作,做咗一年嘅figure,終如完成啦!大家畀D意建我呀!

天有不測之風雲

2008-04-12T23:44:00.004+08:00

今日放假又去行山,(我丶嘉俊、志芬、東安、光仔、老馮、阿怪、占士)一行八個人本來會行3段(針山、草山、大霧山)头兩段我哋都係用咗兩個半鐘头就完成,已經好好嘅啦!但當開始行大霧山時,忽然行雷同落雨,因為我哋只係開始行咗七、八個字,所以都考慮行唔行.因為畀雷打中真係唔講得笑,大霧山太高又空曠又落雨,係走動嘅情況下畀雷打中嘅機會又大咗,上落大霧山最少兩、三個鐘,有咩事想救都救唔到,所以有一半人都讚誠放棄,當開始回程落山時又停雨又冇行雷,但我都一條氣走落山,唔畀大家有反口嘅机會,因為天有不測之風雲,雖然我知大家都有D失望,但安全第一命長久!

估計錯誤!

2008-04-05T21:46:00.004+08:00

今日好難得可以同盈盈、雯雯去行山,所以都行條中級難度嘅『360木級山路』,可能天氣熱咗少少加上梯級又多咗少少,所以都較辛苦.有D估計錯誤!好彩有阿開,家俊一齊行,大家互相幫助下,一边看看风景一边說說笑,行吓又抖吓,話咁快就過咗一個愉快嘅下午,晚上成班一齊去食晚飯,真係勁開心,不過最開心係雯雯送畀我果份生日禮物!雖然唔係什麼貴重禮物,但佢能夠喺工幹時重記得我,喱份心意先係『最好嘅禮物』!

lCE lN BLACK

2008-04-01T12:12:00.004+08:00

剛剛去咗一個有關figure嘅展覽(lCE lN BLACK),展覽場地正正就係『T0UGH』嘅總店,果幢大廈真係好有性恪同好型.自己一向都好留意本地創作嘅產品,當然以玩具產品為主,其實香港以經好少有D咁嘅展覽,所以都先睹為快!早前有『Michael lau』、『鐵人兄弟』,到最近嘅『猿創作Winson Ma』個嗰都喺非常有實力嘅設計師,希望可以偷吓師!其實12吋figure真係可以同好多生活品牌合作,作為宣傳真係會有意想不到嘅效果!可惜我欠缺知名度,如果唔喺......(又發夢!)

2008-04-01T12:06:00.003+08:00

Winson Ma × Tough 猿人救地球
環保是人類的大課題，亦是潮流大趨勢。又一潮牌以環保做主題， Tough Jeans 今次和 Figure 界達人 Winson Ma 合作搞 Crossover ，用 Winson 的成名作猿人做主角，設計出 Tee 、牛仔褲和背囊。一向出品 Figure 的 Winson 首次與時裝品牌合作，咁猿人同環保又有咩關係呢？「猿人是人類祖先，用佢做主角，將人類帶回最初，希望人類將地球最原本最健康的一面還原。」系列以「 I Warn You Ice in Black 」命名，是想提醒大家雪已經變成黑，再不拯救地球，人類就可能走向滅亡。此外， Tough Jeans 還特別在 Bauhaus 銅鑼灣店舉行展覽， Winson 專登設計了 Apexplorers 猿人拯救隊 Figure 做主角，展出 Apexplorers 拯救地球的短片和相片，片中實景更是由極地探險家李樂詩提供。各位潮人，快一齊去救地球！

心連心

2008-03-24T02:26:00.004+08:00

今日係欣欣結婚嘅好日子,除咗替阿姨一家高興外,在場見返晒D舊同事,真係一件非常難得嘅事!但更難得喺我哋有一個心連心嘅大家庭,喱種感覺喺好難用筆墨去形容...當欣欣講到同婆婆一些生活点滴時,我相信好多親戚都同我一樣淚水差少少就留下來,因為已往真喺有太多太多開心嘅往事,所以我真喺好希望大家用一個包容嘅心去維持喱個大家庭.

回歸

2008-03-20T10:45:00.005+08:00

回歸机場都一個星期有多,為咗想認識新公司多D,所以遲咗幾日先寫Blog...其實都好清楚知到要轉工就要面對D乜嘢問題,但當再一次面對又要從頭做起,先深深明白到果種感覺...我性恪太似爸爸!太多優慮太小心,有時候都唔係一件好事.但當返多幾日工後,心裏果種優慮又減少咗,開始接受新嘅工作環境,我信相會好快適應新嘅工作!(真係好多謝一班舊同事,新同事嘅照顧,真係要感欣!)重有四日就係欣欣同美臣嘅大日子啦!祝佢哋永遠幸福快樂!

『玩具大戰』

2008-03-09T22:29:00.004+08:00

喺喱個假期睇咗古天樂本書叫『玩具大戰』,唔睇都唔知原來古天樂有個地方,專放佢D玩具,重要係1比1嘅玩具,真係堅!本書嘅內容大至上係寫收藏玩具嘅樂趣、同對漫畫人物嘅睇法...有D睇法我都好有同感,不過我最羡慕佢有咁大地方,可以展覽D玩具出嚟!真係成個展覽館咁.(其實咁先叫玩玩具)我相信好多收藏玩具嘅人都想好似古天樂咁,有個自己嘅展覽館,得閒同三五知己譚天說地,真係想起都開心!如果第日我同細佬可以有嗰地方,専方我哋D玩具,咁就正啦!

出山!!

2008-03-05T01:06:00.004+08:00

今次去澳門除咗去玩外,最主要都係想探吓姨丈.因為姨丈去咗澳門工作,往嘅地方雖然舊咗少少,但地点靜中帶旺,行25分鐘就到威尼斯人,我都幾鐘意嗰個地方.今次以氹仔為主,好有生活feel,好似當地居民咁,行吓睇吓又食吓嘢,當然有阿姨係度想食唔到好嘢都幾難!中午帶我哋去黑沙食葡國餐,夜晚又帶我哋去食翅,第2日又喺漁人碼頭度食泰國嘢,真係好似拍『蔡灡嘆世界』咁,喺咁食好嘢!!希望下次可以多D人去就好啦!!其實我都好明白姨丈嘅心態,佢現在係要滿足感多於金錢,作為佢嘅舊下屬知到佢再出山,都真係好高興,但作為佢嘅親人,都希望佢小心身体.

無業游民

2008-03-02T22:28:00.004+08:00

我轉工好少好似今次咁,有十日八日假期,可以做吓無業游民!本來應該出埠玩吓,但喺Amy又無大假放,所以去D短線玩吓,去吓廣州、澳門都好過無.早兩日去咗廣州,都幾多嘢睇,下次去PAUL住返一晚先得!睇咗『霧地異煞』(The Mist)都幾反傳統,結局有D攪笑同無奈,一部不錯嘅电影!放咗幾日假都有去影吓相,但得一兩張oK,畀你哋睇睇!

執紙皮

2008-02-27T21:37:00.005+08:00

我屋企樓下,經常見到一對頭髮白晒嘅老夫婦,已執紙皮為生.我成日同Amy講,我老咗真係唔希望要執紙皮渡日,所以我哋要為將來打算吓.但想真D,能夠喺年老時,老伴重係一齊都係件樂事!原來唔同時間唔同心境,想嘅嘢都唔同...終於都完咗喺CASL四年有多嘅生活,傷感、迷網係有,但(幾)然已經決定,就堅持到最後!因為有個朋友講過,只耍堅持到最後就會成功!我會記住!!

『油木衫』

2008-02-23T00:23:00.004+08:00

本地創作家除咗『鐵人兄弟』外,『Michael Lau』都係我好欣賞嘅創作家.早前劉生同NlKE合作咗個『gardener meets nike at HK flagshiP』展覧,重出咗件油木衫.好特別,其實我一向都非常鐘意『油木』喱隻色.但剛剛出『油木衫』果時,就真係貴到飛起!(對於我喱講,成$600買件T-shirt,我無可能會買!)今日行過見到$179,重送個好正嘅油木木盒同細衫仔.嘩!即買!如果有朋友想買就通知我啦!數數手指返多兩日工,就結束我係CASL嘅四年生活!話咁快就過咗四年...

水怪?

2008-02-13T02:08:00.000+08:00

因工作開係,要去到今日,先可以同外母拜年.席間講開以前漁民生活,原來外母細嗰時,都見過一D怪魚(但我覺得似水怪多D).當時外母一家出海捉魚,航行咗24小時,發覺船底有一條疑似魔鬼魚嘅物体,跟住魚船航行!(估計疑似魔鬼魚嘅長度有27尺左右)因為當時係早上,加上海水能見度高,所以能清楚睇得見.怪魚跟咗魚船一段時間就慢慢留向後,當怪魚離開時,還把頭部露出水面,(怪魚嘅頭部重係疑似人類嘅面容...)才慢慢游回水底.自己一向對古靈精怪嘅事物,都非常有興趣.地球有七成係海洋,有水怪一D都唔出奇!所以我相信有好多不知名嘅生物,會係我哋身邊!

一大快事!

2008-02-12T01:45:00.000+08:00

今日真係好開心,可以同PAUL、雯雯、Amy食飯.原本PAUL話出喱拜年,最後變咗同我慶祝生日!可以同好朋友、太太一齊食飯,譚譚天、說說地,真是人生一大快事!加上餐廳環境非常正,真喺一份好好嘅生日禮物.我會記著今日,希望3月頭我哋可以組隊去到澳門玩啦!

決定!!!

2008-02-03T02:02:00.000+08:00

喺今年生日前,我作咗一個幾大嘅決定,就係轉工!今日遞咗辭職信,其實父母都唔太讚成...Amy就比咗好大嘅自由度我.至於我自己想法...如果我已經喺40歲,我會安安定定,唔想太多...但現在有機會畀我,賺多少少錢,等將來屋企生活得好D,所以我都想試試!其實我唔係好鐘意轉工,但偏偏就要幾年轉一次工,上次係咁,今次又係咁,我都好唔捨得班同事,畢竟都做咗4年啦!但有時想法要成熟一D,所以忍着淚,說聲goodbye!前面嘅山路,又等住我去行啦!

終極天書

2008-02-01T01:58:00.000+08:00

今朝一早起身同Amy去睇『長江七号』...講真...等咗3年!真係有D失望,雖然都知到係講親情,但成套片係無乜驚起之下就完咗!好在睇早場!(平D) 今日買咗本正書,就係PRlS0N BREAK終極天書啦!內容有演員専訪、F0X RlvER監獄嘅歷史、逃走路綫图、文身密碼等等,資料真係非常詳盡(價錢都係63元正,真係好低呀!)

團年飯

2008-01-28T01:24:00.000+08:00

(Lee)兩日真喺忙到飛起,星期六同珠珠去馮茜屋企食飯,珠珠喱次喺香港玩咗兩個禮拜又要返英国啦!次次見佢返喱都覺得佢好似無受到外国生活嘅改变,動作都係非常之快,同RAY完全唔同,真係好難想象佢哋喺英国嘅生活會係點.唔知幾時佢哋會再返喱呢?今日表哥請食團年飯,要去到太和站果边食,雖然真係遠咗少少,但因為都有大半年無見面,所以都想見見大家,一去到又畀俊軒捉住要我幫佢打机...其實我打机都唔係好勁,不過都應該珍惜大家相聚嘅時間,無所謂啦!(祝慧儀表姊生日快樂!身体健康!)

多謝Amy!

2008-01-26T01:39:00.000+08:00

今日放工,我非常心急回家,因為Amy買咗份禮物送畀我!一睇之下...正呀!係一個Columbia嘅背囊,第一時間試一試先,行山真係一流呀!其實我用開果嗰背囊,都已經好殘舊,自己都想買嗰新.但睇來睇去都覺得好貴,所以都係用返嗰舊背囊算啦.可能Amy知到我唔捨得買,所以送嗰畀我!真係要多謝Amy!

勇闖蚺蛇尖

2008-01-19T23:25:00.000+08:00

今日一早起身就去行山,目的地就係蚺蛇尖,其實我都唔係好知蚺蛇尖有乜好行,但經伍牧師係崇拜度介紹過後,我同PAuL都好有興趣試一試!今日天氣都非常好,風景美麗.我、PAuL同大衛(註:大衛係PAuL嘅朋友)一行三人從高流灣-蛋家灣-蚺蛇坳-蚺蛇尖-米粉頂-東灣-大灣-鹹田灣-大浪坳-赤徑回程.聽到咁行法都驚,其實我以為勇闖完蚺蛇尖就算數回程,點知行得咁金!好彩我都有D功力,行得吓!如果帶D女仔咁樣行法,應該都會分手無下次!不過都好多謝PAuL同大衛陪我行山!

Must&Storm

2008-01-17T23:52:00.000+08:00

911事件有幾震驚,我相信大家都知,事件發後令人難以置信,全球告急,人人自危,鐵人兄弟喺本地figure界,非常有名嘅設計品牌,喺當時佢哋做咗一對兄弟figure,以消防員嘅哥哥(Must)同地盤工人嘅弟弟(Storm)連同鐵人兄弟10位成員,喺世貿災區幫手尋找傷者同重建災區嘅情景模型,從以帶出團結,互幫互愛嘅精神,當時我畀佢哋嘅figure感動,開始收藏鐵人兄弟figure直到現在,當時(Lee)一對兄弟figure定價非常非常之高,我想完又想到最後都喺無買,到現在(Lee)一對兄弟figure已經去到天價!今天我竟然用一個非常非常低嘅價錢買到,真喺開心到呢...想喊!(如果有興趣想知我点樣用一個非常非常低價錢買到Must&Storm,可以直接問我!不過我想都係無乜人想知到...)

夢幻世界

2008-01-14T23:53:00.000+08:00

迪士尼果然喺夢幻世界,今日一試佢哋嘅酒店自助晚餐,真喺正到震!多得阿姨嘅建意,去咗翠樂庭.食物種類多,服務態度好,地方又大又靚,又有迪士尼人物出嚟影相,最重要喺爸爸媽媽都好開心,個個變晒細路仔!其實知到老豆鐘意試新嘢,所以今次都好成功!(不過最成功喺我,因為我可以抱吓小研研啦!)今日天氣凍咗D,但我知到佢哋個心喺暖嘅!今餐多謝晒盈盈,下餐我嘅!

OO身体健康

2008-01-13T23:54:00.000+08:00

今日行程非常充實,先到教會開小組會議同食飯,其實我真喺好(內)無開小組會議啦,所以有一刻感受到自己好似回到少年團一樣.希望今年會做好D見証啦!另外都好多謝李生同李太,為我哋準備非常好食嘅午餐.跟住又約嘉俊出嚟短敘一吓,夜晚又約CC、PAUL同阿貞食晚飯,順便慶祝PAUL生日.話咁快又一年,希望各親人、朋友同OO身体健康.

最鐘意睇災難片

2008-01-13T00:23:00.000+08:00

記得喺上個月,分別睇咗3套戲,最正喺『l am Legend』,『異獸戰』就真喺麻麻啦!有D失望!今個月都有兩套戲想睇,分別喺『末世凶煞』(Cloverfield)同『第一滴血』第4集(Rambo).末世凶煞從製作到上映都非常保密,只知到喺末世災難片,以我估計應該會好似『哥斯拉』咁,喺怪獸加災難!自己最鐘意睇災難片,因為可以睇到不同角度嘅人性.至於Rambo就更加要睇!聽個名以經要入場啦!

X box 36o

2008-01-09T00:05:00.000+08:00

今日收到一個非常精美嘅年歷,裏面收錄晒我哋親戚D相,感覺非常溫暖,作為新年第一份禮物,真喺唔錯!(Thank you 慧儀表姐真喺好有心思呀!)講咗兩年,想咗無數咁多次!我終於都決定買部Xbox36o啦!試玩後真喺非常勁!現場感好真實,D GAME又好有电影感,真喺無嘢好講!打過你就知...其實對打機真喺又愛又恨,因為怕太沉迷打機,而忽視身邊嘅人,希望我唔會啦!

又去廸士尼!!!

2007-12-28T01:22:00.000+08:00

係呀!又去廸士尼呀!無計Amy話想去,所以我今次都買咗全年通行証,除咗星期六、日同某D特別日子,唔去得外其除日子去都無問題,咁就可以我生日又去、Amy生日又去,情人節又去、結婚週年又去、復活節同中秋節又去...今次去廸士尼最正就係飄雪,可能我未見過真嘅落雪啦!所以覺得好有氣氛!

聖誕節

2007-12-26T00:41:00.000+08:00

我最鐘意嘅節日就係聖誕節,到現在都係,不過除住年紀嘅增長,(Lee)幾年聖誕節嘅氣氛,以經無以前咁好啦!(我係指自己嘅心態!)但今年又好番少少!因為可以放到假,又去大食會,又可以同幾個兄弟姊妹,去咗吹水...不過心態變咗就係變咗,時間都係過咗去,就真係過咗去,返唔到轉頭,所以希望出年能夠有一個好氣氛嘅聖誕節啦!

『l am Legend』

2007-12-23T02:05:00.000+08:00

今日一個人走去睇『l am Legend』,果然無令我失望!好正!其實係以前自己都有假定過地球會有咁嘅一日,好似『沙士』咁.所以勁想去睇,人本來就係群体生物,當全世界只係得你一個人生活,你會點? 如果係我,我想會變成『l am crazy』,睇完後有好多反思嘅地方,有信仰嘅人去睇,會有更深嘅感受.....早幾日收到通知,D figure展覽係有車馬費嘅!咁就可以捐畀樂施會啦!咁今次巡會展覽都有D意義!

返屋企

2007-12-20T03:14:00.000+08:00

經歷咗兩個幾月嘅巡回展覽,我嘅Figure終於都返屋企啦!真喺辛苦晒佢哋,希望返到嚟唔好甩皮甩骨啦!不過我都會做個靚膠箱放好佢哋,除後就會再做『Forester O』即喺前傳...但係我做咗件事都唔知啱唔啱!喺展出figure時,Columbia嘅推廣部經理話會比返D車馬費同一件衫作為紀念,其實我一早以經決定想張D車馬費捐比樂施會,咁都幾有意義.至於件衫我要唔要都無所謂!但因為係展覽期間,推廣部經理又無做,所以喺我囉返D Figure後提出(Lee)件事,Columbia竟然唔知有件咁嘅事,但我都同佢哋講件衫可以唔洗比我,但如果有車馬費請幫我捐比樂施會啦!(最後車馬費就無,不過佢哋都比咗件衫我...)希望唔好比佢哋有錯覺以為我好貪心啦!其實我最想要喺嗰塊介紹牌!!!

投名狀

2007-12-16T02:47:00.000+08:00

今晚約咗阿PAuL、雯雯、Amy出嚟食飯,喺補返慶祝雯雯生日嘅.大家都有好幾個月無見,我都有D掛往佢哋!飯後去睇『投名狀』,其實我想睇『l am Legend』不過3對1.....睇完後都覺得好正,估唔到陳可辛可以拍得咁好,3個主角中我比較鐘意李連杰,有較多內心戲,比較無奈,戰爭場面又拍得好正,真係近期少有好睇嘅港產片!(我可能會買隻趙二虎Figure,可能姐!)

的士司機

2007-12-13T11:31:00.000+08:00

近幾日返工都係做『機動車』,等我解釋吓乜嘢叫做『機動車』,就係好以的士司機咁,聽Call台叫乜,我就做乜,張D同事車來車去,好以送貨咁!唔好以為好容易做,其實都好辛苦,揸車都揸到暈車浪,又腳痺!真係要眼看四方,耳聽八方.而家先深切領會到爸爸嘅辛苦......

REAL

2007-12-07T02:22:00.000+08:00

自己一向都好鐘意睇漫畫,最近睇開一本叫『REAL』嘅漫畫,作者喺井上雄彥,故事以描寫輪椅藍球員為題材,從而帶出3位青年嘅生活点滴,身体殘缺、尋找目標、從不放棄、正好形容3位主角,通常一般嘅漫畫故事都會較為誇張,主角通常都係醒目同靚仔,但『REAL』剛剛雙反,其中一位主角非常豆泥,又樣衰,但性格都幾可愛,其如兩位主角,身体上都有殘缺,在描寫內心世界上,非常細緻!可以見到井上嘅功力,可怕到什麼地步!我真係誠意推介畀大家!(大家以為我只係識睇D打打殺殺嘅漫畫,其實我都好鐘意睇D內心戲!)

「有黑暗就有光明，有邪惡的地方就有正義！」

2007-12-04T12:12:00.000+08:00

「有黑暗就有光明，有邪惡的地方就有正義！」等咗21年!終於都出啦!細嗰勁鐘意嘅超合金天威勇士,已前見到舊版都已經流晒口水,新版可動性高,外型都十分有型,合金魂開始出80年代嘅機械人,遲D有六神合体同大武士,真喺大鑊!自從阿PAUL返咗大陸做嘢,阿智做咗爸爸,阿亮又轉咗工,我都少咗約人出嚟食飯!昨晚約咗电車高,肥仔強同玻璃唐出嚟食飯打PSP!你笑吓我!我又吋吓你,都幾開心,做咗一晚『电車型男』

樣衰

2007-12-01T22:44:00.000+08:00

近幾日真喺返工返到傻,又早又中,所以都少咗寫Blog,不過今日返工,都有D趣事發生!就喺早期做咗個訪問,竟然有人認得我(重要一日兩次,兩個都係女士嚟),初初登出嚟,以為無乜人認得我,因為都影得幾樣衰吓!估唔到影得咁樣衰都認得到我,証明我真係幾樣衰......

『此刻無價』

2007-11-28T14:25:00.000+08:00

早幾日,阿智打电話嚟話出去食晚飯,本來約咗Amy行街,但難得一家人出去食飯,當然去啦!雖然當晚只係食Pizza,但氣氛非常好,飯後去影相,果種感覺真係...『此刻無價』12月我哋會喺聖誕前食一餐,叫阿姨、二舅父一齊去食都好!(係影相果一刻,我見到要為持家庭平和嘅責任,已經落到我身上啦!)

DVD

2007-11-22T14:09:00.000+08:00

近日心情比較亂,所以都少咗寫Blog,昨日同阿Ko行旺角,買咗5隻DVD.其中有3隻喺日本版,畫質同音質都應該比3區好,加上又有DTS,包裝又正,價錢又平($18-$28),自己都有儲開DVD,所以買嚟睇睇!其實我都好鐘意睇戲,因為可以比自己天馬行空一番,又可以發吓白日夢!今日一睇果然比3區好少少,DVD最正喺有製作特輯,但我睇DVD都喺要等Amy返咗工先睇,因為佢怕大聲........

幪面超人

2007-11-14T23:21:00.000+08:00

今曰約咗Manual去『幪面超人展覽會』,其實我本身唔喺太鐘意幪面超人,因為覺得故事好低B!但又覺得S.l.C非常有型(S1C喺張幪面超人加入生化嘅元素,再加上造型師的精心改造,变成一件十分有型嘅玩具.)自己對电影道具都好有興趣了解吓,所以都去睇吓!放工去人唔算太多,有好多都喺三字頭,一睇......第一個感覺,覺得屋企D Figure仲精細過佢,非常豆泥!都唔多似道具(查返先知道具服有分畀拍close up, 中鏡或長鏡, 那套無敵精美的是近鏡,我想今次展出果套喺超超超遠鏡服啦!),D超人姿勢又非常唔掂,都喺果句:唔去都無所謂!不過都好難得可以同Manua1單獨去吓街!

毅行者

2007-11-10T01:13:00.000+08:00

今日又喺一年一度嘅毅行者,上年行完,今年我、Amy、家俊只喺陪行,大會參加嘅人數都一樣喺咁多,我本來想行1、2段嘅,但Amy有D唔舒服,所已行到第1段多少少就回程,無為勉強!我自己覺得1、2段风境最靚!都想Amy睇吓,影吓相,好彩返到屋企佢都無事,D Figure就放咗喺終點站度,希望慕容能夠見到啦!其實當初D Figure都係因為毅行者以設,而家放喺終點站,都幾好,如果能成為行山嘅lcon就更好囉!

壹週刊

2007-11-08T00:19:00.000+08:00

喺朋友就買今期壹週刊嚟睇睇!因為有我嘅訪問,從我開始做Forester figure到現在,真喺想都無想到,可以喺壹週刊度做訪問,真喺好開心!雖然收到個唔喺幾好嘅消息,但學欣欣講『Rome was not built in one day』大家放心,我會努力!http://www.youtube.com/watch?v=GKmxpeSKA34

夢醒

2007-11-05T20:45:00.000+08:00

今日收到個唔係幾好嘅消息......喺關於D Figure嘅前途,睇尼都喺時候夢醒! 今日感觸特別多,可能要決擇太多嘢啦!記得細嗰睇电視,有個單元劇,我睇完後有種好難忘嘅感受,「套劇內容講一對好窮嘅父子,兒子見到一班小朋友個嗰都有玩具車玩,非常羡慕,爸爸見到兒子鐘意玩具車,於是好努力去賺錢,終於賺夠錢買玩具車,但發覺兒子已改變,鐘意再貴D嘅鐵飛機.爸爸非常失落地走開.」結局喺點我已經唔記得啦!但我好記得爸爸好失落個嗰樣,今日我嘅角色喺爸爸定喺兒子呢?

第3站又一城

2007-11-04T21:53:00.000+08:00

今日返教會認識到一位新教友,大家對玩具都好有興趣,希望能在未來嘅日子,能成為好朋友同好教友啦!祟拜完咗後,去到又一城Set吓D Figure,發覺Rocky副太陽眼鏡唔見咗,隻眼有D撞爛咗!唉......有D唔喺幾開心!

Superpowers

2007-11-03T23:36:00.000+08:00

早幾日喺YAH00拍買場bid咗隻Superpowers公仔,喱一套公仔一共有36隻,1986年Kenner出品香港製做,有Superman,Batman等角色,喺我人生當中第一次開始收藏嘅玩具,一儲就儲咗十幾年,雖然我重未集齊,但我真喺好喜歡喱套Superpowers,每一隻都會畀我好多回憶,有D角色以為無可能會儲到,但去到多年後又會有機會畀我用一個好合理嘅價錢買到!世事嘅嘢真喺好奇妙......都喺果句只要有夢想,凡事可成真!今日難得Amy話好想睇吓我套Forester Figure,去到朗豪坊,哦!唔見咗嘅!原來去咗又一城,但又無人話我知!不過可以畀多D人睇吓都喺一件好事!

人盡人所能,神盡人所不能

2007-10-30T12:06:00.000+08:00

話咁快就放完大假,又要返工!計計數原本係假期要做嘅嘢,都做得七七八八,只係無去跑步,一個人跑步太悶啦!其實(Lee)個假期都ok充實,最後我想幫毅行者設計出年果件隊衫,講解同草圖都Send咗比樂施會,希望會用得着啦!因為人盡人所能,神盡人所不能!(Lee)個道理,我都係(Lee)幾個月先理解到!