Toystory3

剛剛睇完Toystory3,真係好正!唔睇真係唔得!!!!

退休

今日係老豆過佢退休生活嘅第一日,佢原本諗住今年年尾先退休,但作為佢嘅仔女,當然好想佢早D退休啦!都做咗咁多年,由我哋細嗰到家吓我都三十幾歲...都係時候交俾我哋三兄弟妹.好好同老媽子享受吓退休生活.

SH0W R00M

家吓真係好少有D咁嘅Show,但遲吓應該又會多少少,雖然都知嗰Show唔會有乜嘢驚喜......因為我玩開果D12吋太精細啦,相對1比1只係得過大字,細緻度同12吋真係差好遠.但我都好羡慕古天樂有個咁正嘅地方收藏玩具,加上早期又買咗佢本『玩具大戰』......所以都去行吓,早排聽阿亮講,佢夢想係踏單車環遊整個台湾....而我嘅夢想係有一個靚正嘅ShowRoom.....

廸欣湖的下午茶

一早已經想去廸欣湖,但遲遲未去....終於啲起心肝,同Amy買小小食物,去享受一個寧靜嘅下午茶...我相信未來嘅日子,我會多帶朋友同家人去喱個東涌後花園.

網絡奇緣

收藏玩具咁多年,除咗阿智外,都冇乜朋友會同我有相同嘅興趣.講真有時都會幾自閉,估唔到一次網上嘅拍賣俾我識到幾位志同道合,開始大家嘅『網絡奇緣』.可能大家年紀差不多,約出喱食飯話題除咗玩具外,都會講吓自己嘅生活、工作......上網識女仔就聽得多,估唔到自己都會上網識『同志』!!

2月25日

一轉眼已經36歲,時間過得真係快...近年生日都鐘意一家人出去食飯慶祝,今次我選擇去YMCA餐廳,攪我嘅生日會,自己一向對於食都冇乜要求,反而地方舒服同氣氛先最重要,講真除咗健康外,冇乜嘢重要得過家庭同朋友,能夠係生日同家人、朋友一齊渡過喱2月份,真係要好好感欣!

聖誕節

今年聖誕節自己過得幾開心,又充實!放工後已經係23号嘅早上,先去睇場4D版嘅阿凡達(我覺得係科幻版嘅風中奇緣),跟住去盈盈度開大食會,知到小朋友出世後,我喱嗰阿妺會有D唔慣,所以要俾多D時間出喱,食物雖然唔係太豐富,但氣氛就一流.叫得一家人又點會少阿智嗰份,所以24号就去同佢飲吓下午茶,同姸姸玩吓.睇到姸姸係信箱收到我哋送俾佢嗰張聖誕咭(張聖誕咭有齊我哋一家人簽名有灯着又有音樂),睇見佢又驚喜又高興嘅表情!已經係我今年最好嘅聖誕禮物!!